«Барселона» клуби навбатдаги бразилиялик иқтидор эгасининг трансфери борасида келишувга эришди.
"Сан-Паулу" жамоасининг 19 ёшли ярим ҳимоячиси Густаво Майя ёзги трансфер пайтида Каталонияга кўчиб ўтади. "Кўк-анорранглилар" футболчининг устувор ҳуқуқи учун 1 миллион евро тўлашди. Келишувга кўра, "Барса" шу йилнинг 15 июлига қадар яна 3,5 миллион еврони "Сан-Паулу" ҳисоб-рақамига ўтказиб бериши керак.
Майя "Сан-Паулу" клубининг асосий таркибида дебют қилмаган. "Барселона" скаутлари уни ёшлар жамоалари ўртасидаги ўйинларда кашф қилишган. Чап қанот ярим ҳимоячиси Сан-Паулу штатининг ёшлар кубоги мусобақасида 7та ўйинда 3та гол урган.
