Коронавирус пандемияси туфайли юзага келган танаффус барча клублар каби «Рома»га ҳам иқтисодий зарба берди. Шу боис, Паулу Фонсеки ёзда ўз таркибини асосан эркин агентлар эвазига кучайтирмоқчи.
Жумладан, римликлар «Тоттенхэм» ҳимоячиси Ян Вертонген, «Боруссия» ярим ҳимоячиси Марио Гётце, «Милан» аъзоси Жакомо Бонавентура, «Челси» ҳужумчиси Педрога кўз тикишган. Ушбу футболчиларнинг шартномалари ёзда якунига етади.
