«Сан-Паулу» ҳужумчиси Густаво Майя фаолиятини «Барселона»да давом эттириши мумкин.
"As" тарқатган хабарга кўра, каталонияликлар 19 ёшли футболчининг 70 фоиз ҳуқуқини 4,5 миллион еврога сотиб олишади. Бу ҳақда ўйинчининг агенти хабар берди.
Аввалроқ «Барселона» 1 млн евро эвазига Майянинг устувор ҳуқуқини сотиб олган эди.
Маълумотларга қараганда, бразилиялик футболчи испан тилини ўрганишни бошлаб юборган ва Европага кўчиб ўтишга тайёргарлик кўрмоқда.
