"Лейпциг" ҳужумчиси Тимо Вернернинг "Челси" ўтиш жараёни коронавирус туфайли ортга сурилмоқда.
"The Athletic" тарқатган хабарга кўра, ўрнатилган чекловлар туфайли у лондонликлар сафида тиббий кўрикдан ўта олмайди. Бу Бундеслига талабларига зид ҳисобланади.
Ўз навбатида "Челси" вакиллари ҳам Германияга бора олишмайди. Чунки улар Англияга қайтишганидан кейин 14 кунлик карантинда ўтиришларига тўғри келади.
Томонлар фақат Бундеслиганинг тугашини ёки Буюк Британияда карантин қоидаларининг юмшашини кутишга мажбур.
