Moskvaning SSKA klubi "Fiorentina"ga 24 yoshli hujumkor yarim himoyachi Lukas Beltran uchun 12 mln yevro taklif qildi. Bu haqda jurnalist Ivan Karpov telegram-kanalida ma’lum qildi.
Manbaga ko‘ra, "qizil-ko‘klar" "Spartak" va "Zenit" ham qiziqish bildirayotgan argentinalik futbolchining transferi bo‘yicha muzokaralar olib bormoqda.
Yarim himoyachi 2023 yilning yozidan buyon "Fiorentina" futbolchisi hisoblanadi. Bu vaqt ichida u barcha turnirlarda 98 ta o‘yinda maydonga tushib, 16 ta gol va 9 ta golli uzatmani amalga oshirdi.
