"Tottenxem" markaziy yarim himoyachisi Iv Bisuma ushbu transfer oynasida klubini o‘zgartirishi mumkin. Bu haqda insayder Sasha Tavoleri xabar berdi.
Manbaning xabariga ko‘ra, 28 yoshli yarim himoyachiga "Everton" va "Vest Xem" klublari qiziqish bildirmoqda. Bissuma "Tottenxem"da qolishga qarshi emas, ammo "shporlar" rahbariyati yarim himoyachini sotmoqchi, chunki klub shu yozda Joau Palinyani sotib olgan edi.
Yaqinda "Yuventus" ham yarim himoyachiga e’tibor qaratayotgani xabar qilingandi, ammo Bissuma Angliyada qolmoqchi. O‘tgan mavsumda Bissuma "Tottenxem" safida 44 ta o‘yin o‘tkazib, 2 ta gol urgan. Transfermarkt ma’lumotlariga ko‘ra, uning narxi 25 million yevroni tashkil qiladi.
