Англияда трансфер ойнаси ёпилиш арафасида «Арсенал» муҳим трансферни амалга оширди. «Челси» ҳимоячиси Давид Луиз «канонирлар» сафига ўтди.
Ҳозирча ушбу келишув шартлари ошкор қилинмаяпти. "Арсенал" бразилиялик футболчи учун тахминан 8 миллион фунт стерлинг тўлаган. 32 ёшли футболчи билан эса 2 йиллик шартнома имзоланди. Давид Луиз «Арсенал»да 23-рақамли футболкада ўйнайди.
Луиз 2011-2014 ва 2016-2019 йилларда «Челси» шарафини ҳимоя қилган бўлса, орадан 2 йил "ПСЖ"да фаолият юритган.
