«ПСЖ» спорт директори Леонардонинг таъкидлашича, ҳужумчи Неймарнинг жамоадан кетиши борасидаги музокаралар олдинга силжиш жараёнида.
«Музокаралар силжимоқда. Кўрамиз, нима бўларкан. Унинг келажагига ойдинлик киритиш — барчамиз учун керак», – деди Леонардо.
Парижликлар бош мураббийи Томас Тухель Франция чемпионатининг 1-тури доирасида 11 август бўладиган «Ним»га қарши ўйин қайдномасига бразилиялик футболчини киритмади.
Ҳозирда Неймарни қўлга киритиш учун «Барселона» ва «Реал» клублари кураш олиб боришмоқда.
