Ўзбекистон олимпия терма жамоаси шу йилнинг март ойида 2020 йил Тайландда бўлиб ўтадиган Осиё чемпионати саралашида қатнашиши ҳақида аввал хабар бериб ўтгандик. Гуруҳимиздан Тожикистон, Ҳиндистон ва Покистон терма жамоалари жой олган бўлиб, гуруҳдаги ўйинларнинг барчаси пойтахтимиз Тошкент шаҳрида ўтказилиши режалаштирилганди.
Аммо Покистон олимпия терма жамоаси мазкур саралаш баҳсларида иштирок этмаслигини маълум қилди. Эндиликда вакилларимиз жойлашган "F" гуруҳида 3та терма жамоа Осиё чемпионати йўлланмаси учун кураш олиб боради. Ўйинлар 22-26 март кунлари оралиғида "Пахтакор" стадионида бўлиб ўтади.
Саралаш баҳсларининг янги тақвими қуйидагича кўриниш олди:
"F" гуруҳи
22 март, 17:00
Ўзбекистон - Ҳиндистон ("Пахтакор" стадиони)
24 март, 17:00
Тожикистон - Ҳиндистон ("Пахтакор" стадиони)
26 март, 17:00
Ўзбекистон - Тожикистон ("Пахтакор" стадиони)
Манба:
Ўзбекистон футбол ассоциацияси расмий сайти.
