Ўзбекистон олимпия терма жамоаси Тошкентда ўқув-машғулот йиғини олиб бораётгани ҳақида хабар бериб ўтгандик.
Любинко Друлович бошчилигидаги футболчилар йиғин давомида "Бунёдкор"га қарши назорат ўйини ўтказиб, 1:0 ҳисобида ғалаба қозонишди. Бугун олимпия терма жамоамиз Олмалиқнинг АГМК жамоасига қарши ўртоқлик ўйини ўтказади. Учрашув "Пахтакор" стадионида соат 16:30да бошланади.
Эслатиб ўтамиз, Ўзбекистон олимпия терма жамоаси 22-26 март кунлари Тошкентда бўлиб ўтадиган U-23 Осиё чемпионати саралашига тайёргарлик кўрмоқда. Вакилларимиз саралаш баҳсларида Ҳиндистон ва Тожикистон терма жамоаларига қарши баҳс олиб боришади.
Манба: Ўзбекистон футбол ассоциацияси расмий сайти.
