Бугун Хитойнинг Наннинг шаҳрида "China Cup-2019" халқаро мусобақаси старт олди. Дастлабки ярим финал баҳсида мусобақа мезбони Хитой терма жамоаси Тайландга қарши баҳс олиб борди. Учрашув Тайланд терма жамоасининг кичик ҳисобдаги ғалабаси билан якунланди.
Ягона голга ўйиннинг 33-дақиқасида Чанатип Сонгкрасин муаллифлик қилди.Эртага мусобақанинг иккинчи ярим финалида Ўзбекистон миллий терма жамоаси Уругвайга қарши баҳс олиб боради. Ўйин Тошкент вақти билан соат 16:35да бошланади.
"China Cup-2019", 1/2 финал.
Наннинг, "Guanxi Sports Centre" стадиони.
Хитой - Тайланд 0:1
Гол: Ч.Сонграсин
Манба: Ўзбекистон футбол ассоциацияси расмий сайти.
