Бугун Тошкентда U-23 Осиё чемпионати саралаш ўйинлари бошланади.
Дастлабки ўйинда Ўзбекистон олимпия терма жамоаси Ҳиндистонга қарши баҳс олиб боради. Ўйин "Пахтакор" стадионида соат 17:00да бошланади. Мазкур учрашув "Спорт ТВ" телеканали орқали жонли эфирда намойиш қилинади.
Юртимиздаги барча мухлисларни терма жамоамизни қўллаб-қувватлаш учун стадионга чорлаб қоламиз. Стадионга кириш бепул.
Манба: Ўзбекистон футбол ассоциацияси расмий сайти.
