Осиё чемпионатига ҳозирлик жараёнини давом эттираётган футбол бўйича Ўзбекистон олимпия терма жамоаси БААдаги йиғин доирасида Ироқ билан баҳс олиб борди.
Қизиқарли ва голларга бой тарзда ўтган мазкур ўртоқлик ўйинида ҳамюртларимиз 4:2 ҳисобида рақиб устидан ғалаба қозонишди. Таркибимизда Бобур Абдихолиқов хет-трик қайд этган бўлса, Жасур Яхшибоев 1 марта ўз номини таблога ёздириб қўйди.
Ўртоқлик учрашуви
Ўзбекистон U-23 – Ироқ U-23 4:2
Голлар: Бобур Абдихолиқов (25', 32', 50'), Жасур Яхшибоев (42') - Муҳаммад Ризо (15'), Муҳаммад Довуд (38' пен.)
Ўзбекистон U-23: Абдувоҳид Неъматов, Ислом Қобилов, Абдулла Абдуллаев, Дилшод Саитов, Азиз Ғаниев, Нурилло Тўхтасинов, Жасур Яхшибоев, Бобур Абдихолиқов, Илҳом Алижонов, Ҳусниддин Алиқулов, Санжар Қодирқулов.
