Бугун 24 март куни Тошкентда U-23 Осиё чемпионати саралашидан ўрин олган навбатдаги учрашув бўлиб ўтди. Унда Тожикистон терма жамоаси Ҳиндистонга қарши майдонга тушиб, 2:0 ҳисобида ғалаба қозонди.
Эслатиб ўтамиз, биринчи учрашувда Ўзбекистон терма жамоаси Ҳиндистонни 3:0 ҳисобида таслим этганди.
Энди 26 март куни Ўзбекистон Тожикистон билан куч синашади. Учрашув "Пахтакор" стадионида соат 17:00да бошланади.
U-23 Осиё чемпионати саралаши
24 март, «Пахтакор» стадиони
Тожикистон – Ҳиндистон 2:0
Голлар: Далер Ёдгоров (30), Шарафжон Солиҳов (85).
Манба: Ўзбекистон футбол ассоциацияси расмий сайти.
