Мамлакатимизда болалар футболини ривожлантириш, футбол оммавийлигини ошириш мақсадида Ўзбекистон футбол ассоциацияси томонидан “Келажагимиз умидлари “ шиори остида ўтказилиб келинаётган футбол фестивали Навоий вилоятида ҳам бўлиб ўтди.
Фестивалда 200 дан ортиқ умумтаълим мактабларнинг ўқувчиларидан ташкил топган жамоалар иштирок этишди.
Тадбирни ташкил этишда ва уни ўтказишда Навоий вилоят болалар ва ўсмирлар футбол академияси раҳбарияти ва мураббийлари фаол қатнашишди.
Мусобақалар якунида фестивалнинг ҳар бир иштирокчисига Ўзбекистон футбол ассоциацияси томонидан футбол тўпи, экипировка ва сертификатлари топширилди.
Манба: Ўзбекистон футбол ассоциацияси расмий сайти.
