Токио-2020 2-саралаш босқичидан ўрин олган Гонконг - Ўзбекистон аёллар олимпия терма жамоалари ўртасидаги ўйиндан кейин ташкил қилинган матбуот анжуманининг биринчи қисмида меҳмонлар бош мураббийи Хосе Рикардо Рембо иштирок этди.

"Биз ўйинни яхши бошладик. Дастлабки 12-20 дақиқа ўзимиз ўйлагандик ҳаракат қилдик. Кейин Ўзбекистон бизнинг хатоларимиздан фойдаланишга муваффақ бўлди. Биз руҳий жиҳатдан ҳам ютқаздик бугун. Ўзбекистон кучли жамоа эканини билардик. Кучли рақибга қаршилик кўрсата олмадик. Маҳлиё Сарикованинг биринчи бўлимда захирадан майдонга тушиши бизни ҳайрон қолдирмади. Ўзи Сарикова асосий таркибда тушади, деб кутгандик. Шу сабабли унга қарши қандай ҳаракат қилишимизни олдиндан белгилаб олгандик. Барибир ҳимоячиларимиз уни муносиб қўриқлай олишмади. Бугун Ўзбекистоннинг ҳар икки қаноти жуда кучли ўйин намойиш қилди. Эндиликда бу жамоанинг баъзи футболчилари миллий термага ўтади. Баъзилари эса фаолиятини тугатиши ҳам мумкин", - деди Хосе Рикардо Рембо.

 

Матбуот анжуманининг иккинчи қисмида терма жамоамиз бош мураббийи Баҳром Норсафаров қатнашди.

 

"Бугунги ўйинни ҳам қўшиб ҳисоблаганда жами 3та ўйин ўтказдик. Ўйиндан ўйинга кучайиб бордик. Биз рақиблар ўйинини таҳлил қилиб чиққандик. Шундан келиб чиқиб асосий таркибда ўзгаришларни амалга оширдик. Ўнг қанотга Зарбиевани қўйдик, аммо баъзи хатолар кўзга ташланди. Кейин Қудратовани ўнгга олдик, Сариковани ҳужумга туширдик. Бу фойда берди. Афсуски кейинги босқичга чиқа олмадик. Бизнинг жамоани келажаги бор. Бу қизлар келгуси мусобақаларда ижобий натижага эришишларига ишончим комил", - деди Баҳром Норсафаров.