Хабарингиз бор, айни кунларда Осиё чемпионлар лигаси гуруҳ босқичи 6-туридан ўрин олган учрашувлар бўлиб ўтмоқда. Бугун "Локомотив" жамоаси Тошкентда Қатарнинг "Ал-Райян" жамоаси билан куч синашиши ҳақида хабар бериб ўтгандик.

Шунингдек, бугун Осиёнинг бошқа давлатларида ҳам Чемпионлар лигасидан ўрин олган учрашувлар бўлиб ўтади. Жумладан, Хитойда ҳамюртимиз Одил Аҳмедов тўп сураётган "Шанхай СИПГ" жамоаси Жанубий Кореянинг "Ульсан Хюндай" жамоасига қарши баҳс олиб боради. Эътиборли томони, мазкур ўйинни ўзбекистонлик ҳакамлар гуруҳи бошқариб боради. Бош ҳакам Азиз Асимовга қанотларда Руслан Серазетдинов ва Ҳусниддин Шодмонов ёрдам беришади. Ўйин Тошкент вақти билан соат 15:00да Шанхай шаҳридаги "Shanghai Stadium" ўйингоҳида бўлиб ўтади.

 

Бош ҳакам: Азиз Асимов (Ўзбекистон)

Ён ҳакамлар: Р.Серазетдинов, Ҳ.Шодмонов (Ўзбекистон)

Тўртинчи ҳакам: Саъдулло Гулмуродий (Тожикистон)