Испания пойтахти Мадрид шаҳрида "Футбол дўстлик учун" лойиҳасидан ўрин олган тадбирлар давом этмоқда. Бугун лойиҳа иштирокчилари ўртасидаги футбол мусобақасига старт берилди.

Мазкур лойиҳада Ўзбекистон номидан қатнашаётган Асилбек Нўъмонов, Абдулла Турсунбоев ва Асадбек Рўзимовлар ўз жамоалари таркибида баҳсларга киришдилар. Яна бир ўзбекистонлик вакил Марина Косникова эса ёш мураббий сифатида ўйинларни кузатиб бормоқда. 

Бугун мусобақанинг гуруҳ босқичи ва плей-оффидан ўрин олган учрашувлар бўлиб ўтади. Шунингдек, лойиҳа иштирокчилари билан биргаликда бир вақтнинг ўзида футбол майдонида машғулот олиб борган энг кўп миллат вакиллари сифатида Гиннес рекордини ўрнатишга уриниб кўрилади.