Keyingi mavsumda London klubi yarim himoya chizig'ini kuchaytirishi kutilmoqda. Jorjino va Tomas Parti katta ehtimol bilan shartnoma muddati tugagach (30 iyun), "kanonirlar"ni tark etishadi.
"Arsenal" Subimendi bilan imzolash bo'yicha muzokaralarda "juda ilg'or" bosqichda. Futbolchi Ispaniya La Ligasining eng yaxshi tayanch yarim himoyachilaridan biri hisoblanadi. Statistika bo'yicha, 26 yoshli futbolchi havodagi duellarining 66 foizida g'alaba qozongan.
Qayd etilishicha, Subimendining "Sosedad" bilan shartnomasida 51 million funtlik tovon puli bandi bor.
