O'tgan turda "Neftchi"dan ustun kelgan "Paxtakor" bu safar "Sho'rtan" bilan G'uzorda kuch sinashadi. Bu jamoalarning G'uzordagi 13-uchrashuvi hisoblanadi. Avvalgi 12 bellashuvning 8 tasida "sherlar" 3 ochko bilan ortga qaytgan, 3 ta o'yinda maydon egalari zafar quchgan. 1 ta o'yinda g'olib nomi aniqlanmagan. Etiborli tomoni shundaki, "oq bo'rilar" uydagi oxirgi 3 ta uchrashuvda mag'lub bo'lmagan. Toshkent klubi esa so'nggi marotaba 2013 yil raqibi maydonida g'alabani tantana qilgan.
Bu jamoalar to'qnashuvi 19 sentyabr 19:00da start oladi.
