
Juma kuni Fransiya terma jamoasi U17 yoshlar o‘rtasidagi jahon chempionatining 1/16 finalida Kolumbiya terma jamoasini 2:0 hisobida mag‘lub etdi.
O‘yindan so‘ng tarmoqlarda Fransiya terma jamoasi a’zosi 16 yoshli Krist Batolaning final hushtagi chalingandan so‘ng ta’qib qilayotgan kolumbiyalik futbolchilardan qochib ketayotgani aks etgan video paydo bo‘ldi. To‘qnashuvning oldini olish va ommaviy mushtlashuvga yo‘l qo‘ymaslik uchun fransuz jamoasi shtabi, futbolchilar, oilalar va agentlar aralashdi.
Kolumbiyalik bir necha futbolchi fransuzlar jamoasining fizioterapevtini yerga yiqitib, ura boshlashdi. Erkakda kaltak izlari qolgan.
Fransiya futbol federasiyasi FIFAga kolumbiyaliklarning tajovuzkorligidan shikoyat qildi.