"Liverpul" Arne Slot istefoga chiqarilgan taqdirda, uning o'rniga "Kristal Pelas" bosh murabbiyi Oliver Glasnerni nomzod sifatida ko'rib chiqayotgani malum bo'ldi. Bu haqda Caught Offside xabar bermoqda. Manba malumotlariga ko'ra, mersisaydliklar rahbariyati avstriyalik mutaxassisni yaqin kelajak uchun jiddiy nomzod deb hisoblamoqda. "Liverpul" Glasnerni jamoaning raqobatbardoshligini saqlab qolgan holda uni barqarorlashtira oladigan shaxs sifatida baholamoqda.
Bundan tashqari, "Liverpul" uzoq muddatli strategik tanlov sifatida hozirda PSJni boshqarayotgan Luis Enrike nomzodini ham ko'rib chiqmoqda. Ispaniyalik mutaxassis "o'ta shuhratparast futbolchilarni boshqara oladigan va hujumkor tamoyillarga sodiq qoladigan, tajribali, g'oliblik ruhi bor murabbiy" sifatida tariflanmoqda.
Angliya chempionatining 15-turidan so'ng "Liverpul" 23 ochko to'plab, 10-o'rinni egallab turibdi.
