Malum qilinishicha, monument Janubiy Dum-Dum hududida joylashgan "Shri Bxumi" sport klubi yonida o'rnatilgan bo'lib, uning balandligi 20 metrni tashkil etadi. Bu 38 yoshli futbolchiga bag'ishlangan dunyodagi eng baland haykal hisoblanadi. Haykal Messini qo'lida futbol bo'yicha Jahon chempionati kubogini ushlab turgan holatda tasvirlaydi.
"Biz bu haykalni 40 kun ichida qurdik. Uni Monti Pol tayyorladi. Odamlar: "Bizda Maradona haykali bor, nega Messi haykalini ham o'rnatmaslik kerak?", – dedi G'arbiy Bengaliya vaziri va "Shri Bxumi" sport klubi prezidenti Sujit Boze.
Haykalni tantanali ochish marosimi shanba kuni, 13 dekabrda bo'lib o'tadi. Unda Messi bilan birga uning "Inter Mayami"dagi jamoadoshlari Luis Suares va Rodrigo De Paul ham ishtirok etadi. Shuningdek, futbolchilar Haydarobod, Mumbay va Dehli shaharlariga tashrif buyurishi rejalashtirilgan.
