"Biz bugun yaxshi shakllangan jamoani mag'lubiyatga uchratdik. "Qo'qon-1912" ancha kurashuvchan jamoa ekanligini bilar edik va shu sababli jiddiy tayyorgarlik ko'rdik. Raqibimiz asosan uzun paslar orqali harakatlanadi. Biz hisobni nazorat qila oldik. Futbolchilarning mahorati ham namoyon bo'ldi", - deya aytib o'tdi Ro'ziqul Berdiev.
- Rubin Xebay jamoaga to'liq qo'shilib keta olmayotgandek. Bunga sabab nimada?
- Xebay ko'p jarohat oldi. Rubin o'yinga qo'shilib keta olmagani sababli ikkinchi bo'limda Norchaevni maydonga tushirdik. Shu orqali hujumdagi keskinlikni oshirdik.
- Sherzod Nasrullaev qachon maydonga qaytadi?
- U hozir betob. Umid qilamizki, u keyingi o'yinlarda ishtirok eta oladi.
