"Chelsi" himoyachisi Malo Gyusto klublar o‘rtasidagi jahon chempionati yarim finalida "Fluminense" ustidan qozonilgan g‘alabadan so‘ng (2:0) maydondagi sharoitlardan nolidi.
"Maydonda juda qiyin bo‘ldi. Nafas olish qiyin edi, lekin biz bu qiyinchiliklarni yengib, yanada uzoqqa ketganimizdan xursandmiz.
Bunday sharoitda o‘ynash qiyin. Ammo biz bunga e’tibor qaratmasligimiz kerak, diqqatimizni jamlashimiz, o‘yin rejasiga sodiq qolishimiz va borimizni berishimiz kerak. Barcha jamoalar uchun shartlar bir xil. Eng muhimi, biz o‘z vazifamizni bajardik. Biz finalda g‘alaba qozonishga va kubokni qo‘lga kiritishga harakat qilamiz", - deya Gyusto so‘zlaridan iqtibos keltiradi Goal.com
Jahon chempionati finalida "Chelsi" "PSJ" va "Real" o‘rtasidagi o‘yin g‘olibi bilan o‘ynaydi.
