Ukraina futbol assosiasiyasi prezidenti va "Chelsi"ning sobiq hujumchisi Andrey Shevchenko jamoani klublar o‘rtasidagi jahon chempionatidagi g‘alaba bilan tabrikladi.
"Chelsi"ni klublar o‘rtasidagi jahon chempionati - 2025 g‘alabasi bilan tabriklayman! Klub, futbolchilar va muxlislar uchun katta yutuq. Sobiq jamoalarimdan birini jahon futboli cho‘qqisida ko‘rishdan faxrlanaman.
Bu lahzadan zavqlaning - siz bunga loyiqsiz! FIFA prezidenti Janni Infantino, siz bilan uchrashganimdan va MetLife stadionida ko‘plab do‘stlar va afsonalar bilan ko‘rishish imkoniyatiga ega bo‘lganimdan xursandman," - deb yozdi Shevchenko o‘zining ijtimoiy tarmoqlardagi sahifasida.
Eslatib o‘tamiz, "Chelsi" hal qiluvchi bahsda "Pari Sen-Jermen"ni 3:0 hisobida mag‘lub etgandi.
