"Assalomu alaykum, menga qadrli bo'lgan "Navbahor" muxlislari! Sizlar bilan kam bo'lsa-da, 1 mavsum davomida birga bo'lganimdan juda xursand bo'ldim. Gol urishim va golli pas uzatishimda sizlarning hissangiz katta. "Navbahor" menda iliq taassurot qoldirdi.
Meni emas, Allohni aytgani bo'ladi. Men qaerda bo'lsam ham, "Navbahor" muxlislari men bilan ekanligiga ishonaman. Sizlarni yaxshi ko'raman", – deya yozib qoldirdi Odilov.
24 yoshli futbolchi joriy mavsum namanganliklar tarkibida 19 o'yinda maydonga tushib, 3 ta gol urdi va 9 ta golga assistentlik qildi. U keyingi faoliyatini "Neftchi"da davom ettirishi kutilmoqda.
