"Nekaksa" hujumchisi Rikardo Monreal "Inter Mayami"ga qarshi o‘yinda gol urib, uni Krishtianu Ronaldu uslubida nishonladi.
Meksikalik futbolchi 81-daqiqada gol urib, jamoasini hisobda oldinga olib chiqdi (2:1), biroq uning goli g‘alaba keltirmadi: hakam tomonidan qo‘shib berilgan vaqtda Jordi Albaning aniq zarbasi maydon egalarini mag‘lubiyatdan qutqarib qoldi, keyin esa "Inter Mayami" penaltilar seriyasida aniqroq harakat qildi.
Ma’lumot uchun, Lionel Messi 11-daqiqadayoq jarohat olib maydonni tark etgandi.
Ligalar kubogi guruh bosqichining navbatdagi turida "Inter Mayami" "Pumas"ga qarshi bahs olib borsa, "Nekaksa" "Orlando Siti" bilan kuch sinashadi. Ikkala uchrashuv ham 7 avgustga belgilangan.
