"Inter Mayami" Liga kubogi doirasida "Nekaksa"ga qarshi kechgan o‘yinda Lionel Messi olgan jarohat bo‘yicha bayonot berdi.
Argentinalik futbolchi tizza osti payini shikastlab oldi va uchrashuvning 11-daqiqasida zaxiraga olindi.
"Messi jarohatining og‘irlik darajasini aniqlash uchun tibbiy ko‘rikdan o‘tdi. Natijalar o‘ng oyoq mushaklarining yengil shikastlanishini tasdiqladi. Safga qaytish sanasi tiklanish kursi davomida futbolchi organizmining reaksiyasiga bog‘liq bo‘ladi", - deb yozadi klub rasmiy sayti.
Taxminlarga ko‘ra, Lionel Messi bir necha hafta maydonga tusha olmasligi mumkin.
