Braziliyaning "Flamengo" futbol klubi Birlashgan Millatlar Tashkilotiga (BMT) o‘z muxlislarini alohida davlat sifatida tan olish so‘rovini yubordi.
"To‘g‘ri: qizil va qora xalq dunyodagi birinchi ramziy-madaniy millat sifatida tan olinishni istaydi. Biz bir tuyg‘u bilan birlashgan 45 milliondan ortiq xalqmiz. Bizning o‘z madaniyatimiz, o‘z hududimiz, o‘z bayrog‘imiz, o‘z tilimiz bor", - deyiladi "Flamengo" matbuot xizmati bayonotida.
Hozirda "Flamengo" o‘z niyatlarining jiddiyligini isbotlash uchun BMTga petisiya yuborish uchun imzo to‘plamoqda.
"Flamengo" 1895 yilda Rio-de-Janeyroda tashkil etilgan va Braziliyadagi eng mashhur klub hisoblanadi. U yetti marta milliy chempionatda va uch marta Libertadores kubogida g‘olib chiqqan.
