Англия терма жамоаси собиқ футболчиси Пол Мерсон Чемпионлар Лигаси 1/4 финали доирасидаги "Реал"га қарши жавоб учрашуви (1:1) туфайли "Манчестер Сити"га ҳурмат бажо келтирди.
"Бу ўйин шармандалик эди. "Манчестер Сити" "Лутон"га қилганидек, "Реал"га ҳам худди шундай қилди. Ушбу ўйинни томоша қилган ҳар бир киши учун бу шунчаки ҳайратланарли эди. "Реал" "Сити"ни мағлуб этгани чинакамига омад. Уларни бутунлай йўқ қилишганди. "Сити" "Реал"ни шарманда қилди.
Бу мен кўрган энг бир томонлама ўйинлардан бири бўлди ва "Сити"га пенальтилар сериясида омад келмади. "Реал" бу ўйиндан кейин ўзини "Манчестер Сити"дан яхшироқ жамоа деб ҳисоблай олмайди. Мадридликлар улардан миллион миль орқада қолишмоқда", – деди Мерсон.
Эслатиб ўтамиз, "Реал" "Манчестер Сити"ни пенальтилар сериясига кўра мағлуб этди ва Чемпионлар Лигаси ярим финалида "Бавария" билан ўйнайди.
