"Реал Мадрид" клуби собиқ футболчиси Каземиро жамоадан кетаётганида Карло Анчелоттининг йиғлаб юборгани ҳақида гапирди.
"Бу ҳақда ҳеч кимга айтмагандим. МЮга ўтишга фақат бир марта иккилангандим.
Эслайман, "Манчестер Юнайтед"га ўтишим ҳал бўлган, фақат имзо қўйсам бўлди эди.
Мен Карло Анчелотти билан гаплашиб олишим керак эди. Унинг хонасига кирдим. Карло ҳаммасидан хабар топган экан. Эшикни очиб, унга қарасам, Анчелотти йиғлаётган эди. Мен унга шундай дедим: "Йиғлашинг мумкин эмас. Исталган инсон йиғлаши мумкин, аммо сен эмас.
У менга шундай деди: "Каз, билмадим, нега йиғлаяпман, аммо сени жуда яхши кўраман ва кетишингни истамайман".
Мен шу воқеадан сўнг, фақат бир марта МЮга ўтиш қароримдан шубҳаланиб қолдим.
"Реал"да мени яхши кўришларини билардим. Бироқ, сўз бериб қўйгандим. Мен учун берган сўзим барчасидан муҳимроқ", -дейди Каземиро.
