ОФК мазкур учрашувга хитойлик Ма Нинг бошчилигидаги ҳакамларни тайинлаган. Бу ҳакам январь ойида Қатарда ўтган Осиё кубоги финал учрашувини бошқарган ва Қатар фойдасига 3та пенальти белгилаган эди. Финалдан кейин ижтимоий тармоқларда Акрам Афиф ва бош ҳакам турли мэмлар қаҳрамонига айланган эди.
45 ёшли Ма Нинг фаолияти давомида Ўзбекистон миллий терма жамоаси иштирокидаги ўйинларда бош ҳакам бўлмаган экан. Лекин клубларимиз иштирокидаги бир қатор учрашувларда ишлашга эришган:
"Пахтакор" - "Ал Таавон" (С.Арабистони) 5:4
"Насаф" - "Ал Садд" (Қатар) 3:1
"Локомотив" - "Ал Райан" (Қатар) 3:2
"Пахтакор" - "Ал Жазира" (БАА) 3:0
"Зоб Оҳан" (Эрон) - "Бунёдкор" 5:2
"Насаф" - "Ал Аҳли" (С.Арабистони) 2:1
"Фулад" (Эрон) - "Локомотив" 1:0
Маълумот учун, бу ҳакам 2018 йил Хитойда ўтган U-23 Осиё кубоги финали доирасидаги Ўзбекистон - Вьетнам (ўша машҳур қор жанги) учрашувида бош ҳакам бўлиши керак эди. Аммо соғлиги туфайли захира ҳаками вазифасини бажарган. Баъзи манбаларда Ма Нинг ўша учрашув бош ҳаками бўлган деб ёзилган аммо видеолардан кўриш мумкинки учрашувни ўмонлик ҳакам Аҳмад Ал Каф бошқарган.
