«Барселона» ярим ҳимоячиси Иван Ракитич ўзининг келажаги борасида фикр билдириб ўтди. Аввалроқ хорватиялик футболчига Европанинг 4та топ-клуби қизиқиш билдираётгани ҳақида хабарлар тарқалганди.
«Ҳали 3 йилдан ортиқ амалдаги шартномага эгаман. Топ-клублар томонидан қизиқишлар бўлаётганини кўриш ёқимли, аммо мен ўзимни фақат «Барселона»да кўряпман», – деди Ракитич.
Ярим ҳимоячи 2014 йилда 38 миллион евро эвазига «Севилья»дан «Барселона»га ўтганди. Ракитич ушбу мавсумда "кўк-анорранглилар" сафида 35та ўйинда майдонга тушиб, ўз ҳисобига 4та гол урди ва 6та голга ассистентлик қилди.
