O‘zbekiston U-17 terma jamoasi ertaga, 8-noyabr kuni FIFA U-17 Jahon chempionati “J” guruhi 2-turi doirasida Irlandiyaga qarshi bahs olib boradi.
Ushbu uchrashuv oldidan, FIFA rasmiy sahifasida O‘zbekiston U-17 terma jamoasi, bosh murabbiy Islombek Ismoilov hamda futbolchimiz Azizbek Abdumo‘minov haqida maqola e’lon qilindi.
Uni to‘liq o‘zbek tilida o‘qishingiz mumkin:
O‘zbekiston Qatar mezbonlik qilayotgan FIFA U-17 Jahon chempionatidagi ishtirokini ajoyib tarzda boshlab, Paragvay ustidan 2:1 hisobida g‘alaba qozondi va barchaning e’tiborini o‘ziga qaratdi. Bu natijaga bosh murabbiy Islombek Ismoilovning muhim qarori sabab bo‘ldi.
Taktik sirlar uzoqqa cho‘zilmaydigan zamonda Ismoilov odatda hujumkor yarim himoyachi sifatida o‘ynaydigan, qanotda ham harakatlana oladigan Azizbek Abdumo‘minovga hujumdagi asosiy rolni topshirdi — va futbolchi Paragvayga qarshi bahsda o‘zini ko‘rsatdi.
Ushbu qaror va jamoaning maqsadlari haqida Ismoilov ham, Abdumo‘minov ham o‘z fikrlarini bildirib o‘tdi.
“Har bir o‘yinga ikki asosiy maqsad bilan chiqamiz: mamlakatimiz uchun g‘alaba qozonish va har bir futbolchidan maksimal foydalanish. Tan olishim kerak, Abdumo‘minov bu uchrashuv uchun bizning maxfiy qurolimiz edi. U ham jismonan, ham ruhan tayyor edi”, — dedi murabbiy.
DOHA, QATAR – NOVEMBER 05: Azizbek Abdumuminov of Uzbekistan celebrates scoring his team’s first goal during the FIFA Under-17 World Cup match between Paraguay and Uzbekistan at Aspire Academy on November 05, 2025 in Doha, Qatar. (Photo by Jurij Kodrun – FIFA/FIFA via Getty Images)
Ismoilov shogirdining barqarorligini ham ta’kidladi: “U mashg‘ulotlarda tinimsiz ishladi va o‘sha mehnatini maydonda namoyish etdi.”
Abdumo‘minovning U-17 terma jamoasidagi statistikasiga qaraganda, bu o‘yin uning “portlashi” bo‘lishi kutilmagan edi. U bungacha faqat nazorat uchrashuvlarida 2 ta gol kiritgan, Osiyo chempionatida esa faqat bir marta asosiy tarkibda maydonga tushgan edi.
Ismoilov futbolchining moslashuvchanligini qayd etdi: “U tabiatan yarim himoyachi, ammo turli pozitsiyalarda o‘ynay oladi va o‘z imkoniyatlarini namoyish etadi”.
DOHA, QATAR – NOVEMBER 05: Azizbek Abdumuminov of Uzbekistan celebrates scoring his team’s first goal during the FIFA Under-17 World Cup match between Paraguay and Uzbekistan at Aspire Academy on November 05, 2025 in Doha, Qatar. (Photo by Jurij Kodrun – FIFA/FIFA via Getty Images)
Abdumo‘minov esa ikki gol va “Eng yaxshi futbolchi” sovrini bilan o‘yindan so‘ng o‘z quvonchini yashirmadi:
“Men nihoyatda baxtiyorman. Bu hisni so‘z bilan ifoda etish qiyin. Bu jamoaviy g‘alaba. Menga ishonch bildirgan murabbiylardan juda minnatdorman. Barchamiz juda yaxshi o‘yin ko‘rsatdik. Murabbiylar menga o‘zimni ko‘rsatish imkoniyatini berganidan juda minnatdorman. Maydonga tushgan zahoti bor kuchimni berdim va ‘Eng yaxshi futbolchi’ sovrinini olish men uchun katta faxr”.
Osiyo chempionatining eng yaxshi to‘purari bo‘lgan Asilbek Alievni tarkibdan qoldirish — dadil qaror edi. Ammo Abdumo‘minovning o‘yini O‘zbekiston jamoasi uchun g‘alaba keltirdi:
“Biz bu yerga kubokni qo‘lga kiritish uchun keldik. Bu oson bo‘lmaydi, lekin biz turnirda ilgarilash va yurtimizni faxrlantirish uchun bor kuchimizni sarflaymiz,” — dedi Abdumo‘minov.
Krishtianu Ronaldu va Jud Bellingemning ashaddiy muxlisi bo‘lgan Abdumo‘minov birinchi golini murabbiy bilan, ikkinchisini esa Ronaldu uslubida nishonladi. Endi u shunga o‘xshash gollarni Irlandiya Respublikasi bilan bo‘ladigan uchrashuvda ham kiritish umidida.
