AQSH, Kanada va Meksikada bo'lib o'tadigan JCH-2026 o'yinlarining har bir taymida jamoalarga suv ichish uchun bir martalik uch daqiqali tanaffus beriladi.
Tanaffus taymlarning qoq o'rtasida amalga oshiriladi.
Ushbu tashabbus barcha tomonlar, jumladan FIFA tibbiy xizmati tomonidan qo'llab-quvvatlandi. Bu chora futbolchilar xavfsizligini taminlash maqsadida amalga oshirilmoqda.
Shu bilan birga, FIFAda takidlanganidek, jamoalar uchun teng sharoitlarni taminlash maqsadida tanaffuslar ob-havo yoki harorat sharoitlariga bog'liq bo'lmaydi.
Tanaffuslar paytida o'yin vaqti to'xtatilmaydi, ammo har bir taym yakunida buning uchun uch daqiqa vaqt qo'shib beriladi.
