«Santos» klubi va Braziliya terma jamoasi hujumchisi Neymar milliy jamoa bosh murabbiyi lavozimiga portugaliyalik mutaxassis Jorje Jezushning tayinlanishiga qarshi. Bu haqda ESPN Brazil nashri xabar bermoqda.
Eslatib o‘tamiz, Braziliya Dorival Junior ishdan bo‘shatilganidan keyin murabbiy qidirmoqda va vakant lavozimga da’vogarlar orasida «Al-Hilol»dan Jorje Jezush va Madridning «Real» klubidan Karlo Anchelotti tilga olinmoqda.
Manbaga ko‘ra, Braziliya terma jamoasi tarixidagi eng yaxshi to‘purar jamoa boshida Jorje Jezushni ko‘rishni istamaydi, u Saudiya klubi «Al-Hilol»da uning qo‘l ostida o‘ynagan. Xabar qilinishicha, Neymarning bu rolga asosiy nomzodi aynan Anchelottidir.
Neymar jarohatlar tufayli so‘nggi 18 oy ichida klub safida atigi yettita o‘yin o‘tkazib, «Al-Hilol»ni tark etdi. Hujumchi «Santos»ga o‘tishidan oldin Jorje Jezush braziliyalikni mavsumning bahorgi qismi uchun qaydnomaga kiritishdan bosh tortgan va uni Saudiya Arabistoni chempionati darajasiga mos emas deb aytgan edi.
