"O'yin yaxshi o'tdi. Raqib ko'proq bosim qildi, to'p nazorati ham ular tomonida bo'ldi. Bizga tajriba etishmadi", - deb gap boshladi Elichich.
- Ikkinchi o'tkazilgan golda darvozabon xato qildi. Uchrashuv davomida u yaxshi o'ynagandi, bu xatoga nima sabab bo'ldi deb o'ylaysiz?
- To'g'risi o'sha golni ko'rmadim, zaxiradan futbolchi tushirishga tayyorlanayotgandim. U yosh posbon, tajriba kam, koncentraciya etishmadi. Eng yaxshi darvozabonlar ham xato tufayli gol o'tkazishadi. Futbolda ko'p narsani millisoniyalar hal qiladi. Millisoniyaga koncentraciyani yo'qotsang xato qilasan va gol o'tkazib yuborasan.
- 6 ta tur ortda qoldi, "Olimpik" siz kutgan futbolni namoyish etyaptimi?
- Yigitlar o'z vazifalarini bilib olishgan. Albatta yoshlar bilan ishlashda vaqt kerak. 4 oy kam muddat. Yosh futbolchilar yanada ko'proq ishlashlari kerak.
- "Lokomotiv"da ishlagansiz, bu jamoani yaxshi bilasiz. Hozirgi jamoa haqida qanday fikrdasiz?
- Bu umuman boshqa jamoa. Boshqa murabbiylar shtabi. Boshqacha futbol uslubi. Men ishlagan davr bilan taqqoslab bo'lmaydi.
