Championat.asia sayti talqiniga ko'ra 10-turning eng yaxshi darvozaboni – Shohruh Eshbo'taev ("Sho'rtan")
Bu turda "Sho'rtan" o'z maydonida "Andijon"ni qabul qildi va 1:0 hisobida g'alaba qozondi. G'uzorliklar posboni o'yin davomida to'rt marta o'z seyvlari bilan jamoasini qutqardi va "Sho'rtan"ning bu mavsumdagi ilk g'alabasini qo'lga kiritishiga katta hissa qo'shdi. Shu orqali u Championat.asia ijodkorlari tomonidan 10-turning eng yaxshi darvozaboni deya etirof etildi.
Championat.asia sayti talqiniga ko'ra 10-turning eng yaxshi murabbiyi – Sergey Lushchan ("Navbahor")
"Navbahor" bu tur Toshkentda "Bunyodkor" klubi mehmoni bo'lib, 3:2 hisobida g'alabaga erishdi. Lushchan sobiq klubiga qarshi bahsda o'z shogirdlarini yaxshi ruhlantira olgani ko'rindi. O'tgan turda "Qizilqum"dan uchralgan mag'lubiyat tasodif ekanini ko'rsatgan "lochinlar" safarda o'ta muhim uch ochkoni qo'lga kiritishdi. Shu tariqa Sergey Lushchan 10-turning eng yaxshi murabbiyi deb topildi.
Championat.asia sayti talqiniga ko'ra 10-turning eng yaxshi futbolchisi – Ruslanbek Jiyanov ("Navbahor")
"Navbahor"ning Toshkentda "Bunyodkor" ustidan qo'lga kiritgan g'alabasida Ruslanbek Jiyanovning hissasi katta bo'ldi. Jiyanov har ikkala taymda "qaldirg'ochlar" darvozasiga bittadan gol urishga erishdi va "lochinlar"ning g'alabasini taminlab berdi. Shu tariqa Jiyanov 10-turning eng yaxshi futbolchisi sifatida etirof qilindi.
Championat.asia sayti talqiniga ko'ra 10-turning eng chiroyli goli muallifi – Shahboz Jo'rabekov ("Buxoro")
"Buxoro" bu tur "Jar" stadionida "Dinamo"ni qabul qilib, 2:2 hisobida durang o'ynadi. Mezbonlar safida zaxiradan maydonga tushgan Shahboz Jo'rabekovning goli chiroyli chiqdi. U jarima maydoni chizig'i ustidan to'pni to'xtatmasdan Yagudin qo'riqlayotgan darvozaga joylab qo'ydi, ha aynan joylab qo'ydi. Shunday qilib, Jo'rabekov Championat.asia sayti talqinida turning eng chiroyli gol muallifi deb topildi.
"Bunyodkor" ustozi va legioneri, "Xorazm" posboni — Superligada 1-turning eng yaxshilari
Mag'lub bo'lgan darvozabon, legioner hujumchi, tajribali himoyachi va OKMK ustozi — Superligada 2-turning eng yaxshilari
"Mashal"dan ikki futbolchi, "Bunyodkor" hujumchisi va 62 yoshli murabbiy — Superligada 3-turning eng yaxshilari
O'zbekiston MTJ sobiq darvozaboni, "Neftchi" hujumchisi va 53 yoshli murabbiy — Superligada 4-turning eng yaxshilari
"Qo'qon-1912" posboni, tarixiy g'alabaga erishgan murabbiy, burchakdan gol urgan futbolchi va sloveniyalik legioner — Superligada 5-turning eng yaxshilari
"Sherlar"dan ikki vakil, 9 ta seyv qilgan posbon va xunuk gol urishni bilmaydigan legioner — Superligada 6-turning eng yaxshilari
19 yoshli posbon, "Nasaf" futbolchisi, OKMKni yutgan murabbiy va O'zbekiston MTJ azosi — Superligada 7-turning eng yaxshilari
Birga-bir vaziyatlarda jamoasini qutqargan posbon, xet-trik qayd etgan futbolchi, jamoasi kambek qilgan murabbiy — Superligada 8-turning eng yaxshilari
Chempion bilan durang o'ynagan murabbiy, superseyv amalga oshirgan posbon, ikkita gol urgan futbolchi — Superligada 9-turning eng yaxshilari
