Klublar o‘rtasidagi jahon chempionati - 2025 1/8 finalidan o‘rin olgan "Manchester Siti" - "Al-Hilol" uchrashuvi arafasida Saudiya Arabistoni klubi bosh murabbiyi Simone Indzagi Xosep Gvardiola va ingliz grandi bilan bo‘lajak uchrashuv haqida fikr bildirdi.
O‘yin 1 iyul kuni bo‘lib o‘tadi.
"Men uni qadrlayman, "Siti" bilan o‘ynash va Pepni ko‘rish yoqimli bo‘ladi. Men uni eng yaxshi murabbiy deb bilaman, uning karyerasi hammasini aytib turibdi. Va shunga qaramay, u har doim o‘zini takomillashtirishga harakat qiladi. "Siti" bu turnirda fantastik futbol o‘ynayotganini ko‘rdim. Ular bilan o‘ynash men uchun katta sharaf. Bunday o‘yinlar bizni o‘sishga undaydi. Biz birinchi kundanoq top-16 ga kirish qiyin bo‘lishini aytgandik, ammo men ajoyib jamoa bilan ishlayapman," - deya Indzagining so‘zlarini keltiradi Marca.
