Аргентина терма жамоаси бош мураббийи Лионель Скалони ЖЧ-2022 гуруҳ босқичининг Польшага қарши ўйин (2:0) натижаси ҳақида фикр билдирди.
“Бу ўйин ва эришилган натижадан қониқиш ҳосил қилдик. Бундай ҳимоявий футбол кўрсатган жамоага қарши ўйнаш осон бўлмади.
Жаҳон чемпионатида осон ўйинлар бўлмайди. Бизни Саудия Арабистони мағлуб этди – буни ҳеч ким кутмаганди. Яхши ўйнаганингизда ҳам мағлуб бўлишингиз мумкин. Австралия билан осон бўлади, деб ўйлаган киши адашади.
Ўзимиздан олдинга бормайлик. Биз ҳеч нарсага даъвогар эмасмиз. Биз шунчаки, охиригача курашадиган кучли жамоамиз", - дея Скалони сўзларини келтирмоқда Clarin.
