Ўйин ҳақида
- Аввало "Навбаҳор" мухлисларини ғалаба билан табриклайман. Кўрдингиз, ўйиннинг биринчи бўлими давомида қийинчиликларга дуч келдик. Иккинчи бўлимда ўйинимиз янада кучайди, жараённи назорат қила бошладик. Тўғриси, Наманганга келган ҳар бир жамоа ҳимоявий услубни танлайди.
- Фаррух Сайфиевни ярим ҳимояда синаб кўраётганингизга сабаб Иброҳим Йўлдошевга ўйин амалиёти бериш туфайлими?
- Фаррух билан ҳозиргина шу масалада гаплашдик. Сайфиев универсал футболчи, аввал ҳимоя марказида ҳам ўйнаган. Мавжуд таркибдан келиб чиқиб уни турли нуқталарда синаб кўраяпмиз, ўзини ёмон кўрсатмаяпти.
- Русланбек Жиянов кўрсатаётган ўйин ҳақида фикрингиз қандай?
- Жиянов иқтидорли ва келажаги порлоқ футболчи. Биз уни Осиё кубогидан қайтганидан сўнг шифокор кўригидан ўтказдик ва таркибга киритдик. Курашувчан характери бор. Имкониятдан фойдаланиб Ўзбекистон аҳлини олимпиада йўлланмаси билан табриклайман.
