Braziliya terma jamoasi bosh murabbiyi Karlo Anchelotti Neymarning kelajagi haqidagi savolga javob berdi.
"Sizni Neymar juda qiziqtirayotganini tushunaman. Vaziyatga oydinlik kiritmoqchiman. Hozir dekabr oyi, jahon chempionati esa iyun oyida boshlanadi. May oyida turnir uchun tarkibni e’lon qilaman va Neymar sog‘lom bo‘lsa, o‘zini boshqalardan yaxshiroq yoki boshqalar bilan teng ko‘rsatsa, jahon chempionatiga boradi. Nuqta", - deya Anchelottining so‘zlarini keltiradi jurnalist Fabrisio Romano.
Yaqinda "Santos"ning 33 yoshli futbolchisi Braziliya A Seriyasida "Juventuda"ga qarshi o‘yinda xet-trik qayd etdi.
